hh

يوم بدا الحجر علنو على دعم لاصحاب رميد أولا ثم قطاع الغير مهيكل تانيا وكما شهدنا كاملين فتلفزة ان كود لي غدي يجي لرب اسرة خاصو يحتافظ عليه باش يسحب بيه مرات قادمة ديال ماي ويونيو كما فالصورة
دبا نفوتو لقوالب
تمطيط مدة تسليم الدعم لي هو متعمد. كيفاش .ايه متعمد لان اغلبية ناس عطاوهم دعم على وكلات بحال كاش بليس وضمان كاش وشي وكلات لي عمرك سمعت بيهم ولي كيطلبو وقت كبير باش يصرفو دعم وقليل لي جاهم للݣيشي لي هو اسرع ولو انهم وزعوهم على جميع الابناك لكان كملو الدعم في 15 يوم فقط لان ݣيشيات موجودين وکثار دبا غدي نقولك علاش تعمدو يطولو فترة
كما شفنا صحاب رميد مدولهم حتى وصل عليهم دعم ديال قطاع غير مهيكل ودبا رنا فشهر ثاني لي خاص يبدا دعم ديال شهر تاني ولكن مكان والو وكاين ناس لي عاد كيوصلهم الاول وكاين لي مزال موصلو .
مفهمتي والو نفهمك القالب كي داير
باش الى هضرو لي مزال موصلهم الدعم ناس لي وصلها دعم تصبرهم وتقولهم راه غدي يوصلكم حتى حنا راه عاد كي وصلنا غي صبرو وإلى ناس لي خداو دعم الاول وطالبو بدعم التاني يسكتوهم ناس لي يقولو انتم راكم بعدا خديتو دعم اول حنا مزال متوصلنا بوالو ويبقاو شي يسكت شي حتى يجي لي يدي كلشي
وهاد شي کامل باش عوض ما يصرفو لناس ثلات مرات ديال دعم غدي يصرفواهم غي زوج مرات وفالاخير عوض 800 درهم لشهر ترجع 400 درهم لشهر
سؤال دبا واش كيعطيونا من جيوبهم يلك صندوق ديال محسنين اوا علاش ميحطوش سيولة كلها مرة وحدة ديال ثلات اشهر باش فنفس وقت من كل شهر يمشي رب اسرة بنفس كود يسحب دعم ديالو او يعطيهله فمرة وهو يقاد امورو
انا بالي كاين أمور غامضة فالقضية وهدشي لا يبشر بالخير واش 800 درهم او الف درهم غدي تكفي اسرة لمدة ثلات اشهر واخا ناكلو غي نخالة متكفيش
أودي محاس بالمزود غي لكلا بيه